? Најмалиот давеник во вода е четиригодишно дете, спасувачите годишно имаат од 900 до 1.400 интервенции
Црвениот крст на Град Скопје, односно центарот за спасување на вода стартуваше со работа. Координаторот на тимот за спасување, Арѓент Чиљафи денеска во Скопски агол на Утрински брифинг иформира дека во моментов се распределени 10 спасители на три базени.
Спасителите се распределени ба три локации, на Олимписки базен, на базенот Борис Трајковски и на градскиот базен во Куманово. Доколку се отворат и другите базени, бројот на спасители ќе се зголеми при што ќе бидат ангажирани 40 спасители. Овој број на спасители не ги опфаќа плажите, туку само базените и аква паркот, рече Чиљафи. Тој нагласи дека бројот на интервенции е показател дека посетителите треба повеќе да внимаваат на себе и своите деца.
Бројот на интервенции се движи од 900 до 1.400. Најмал број на давеници имавме лани, 900 на шест водени површини во Македонија од кои 60 се активни давеници. Бројот на активни давеници варира од 60 до 120, што е поразителна бројка за едно мало општество како нашето, и претставува показател дека треба повеќе пливањето да се учи од најмала воздраст. Најмалиот давеник имаше само четири години, додека највозрасниот беше на 61 годишна воздраст, истакна спасителот Чиљафи. Тој нагласи дека родителите треба да водат повеќе грижа за своите деца, а несигурните пливачи да не влегуваат во вода подлабока од еден метар.
Ние сме спасувасчи, а не дадилки на децата. На вазените има многу посетители, ние сме тука за да интервенираме, а не за да внимаваме на вашите деца. Сезоната само што почна, а веќе имавме два случаи на давеници, нагласи Чиљафи. Покрај екипата за спасување на вода, во Црвениот крст има тим и за спасување на планина. Координаторот на тимот на спасители препорачува да не се потценува планината Водно, каде и најчесто рекреативците губат ориентација.
Имаме спасителни станици на Водно и Матка. На Водно функционира цела години за време на викендите додека на Матка од јуни до септември, за време на викендите и државните празници. Имаме и Од 10 до 12 интервенции месечно. Важно е граѓаните да знаат дека кога ќе побараат наша помош, треба да чекаат на едно место, за да не ни прават дополнителни проблеми при лоцирање на локацијата каде што се наоѓаат, објаснува Чиљафи.