Николовски: Студентските домови ги поставивме на сигурни нозе – протоколите се спроведуваат, мерките се почитуваат

-Според новиот начин на функционирање и новите протоколи капацитетите на Студентските домови се преполовени. Студентите се дојдени, капацитетите се пополнети. Генерално тоа се студенти кои посетуваат пракса на факултетите. Протоколите покрај тоа што се изменети во делот на капацитетите се изменети и во делот на живеењето. Заедничките простории се надвор од употреба, студентски забави нема, во мензите на масите се седи пола од капацитетот.

-Од самиот старт при отворањето на Студентските центри истакнав дека може да функционираме, но само ако се почитуваат протоколите. До сега сум задоволен, но упатувам апел до студентите дека само со почитување на мерките ќе може да функционираме во новата нормала, изјави во Утрински брифинг директорот на Државниот студентски центар, Дарио Николовски.

Околу шансите дел од Студентските домови да се пренаменат во ковид центри, Николовски вели дека во периодот кога беше вонредната состојба беше донесена одлука долку се отвори ваква потреба ќе бидат искористени студентските домови.

-Сега за сега владата нема донесена таква одлука. Се надевам дека и во претстојниот период ќе нема потреба да се користат домовите како ковид центри и дека со кризата ќе се справиме исто како што се справивме на почетокот, додаде Николовски.

-Институцијата ја преземав финсиски крахирана. Долгот беше околу 5 милиони евра. После две и пол години долгот е намален и институцијата е стабилизирана и поставена на сигурни нозе. Втора зима по ред студентите треба да бидат безгрижни, греење ќе има. Реновирани се студентските домови, но морам да најавам уште еден момент – заврши изработката на проектите и целосната нивна ревизија со што од мазут се префрламе на централно греење со што ја заштитуваме животната средина, истакна Николовски.

Целиот разговор погледнете го во видеото.