Пљаковска Аспровска: Македонија е безбедно место за е-трговија

Кога пред повеќе од 40 години беше извршена првата е-трансација во светот, никој не претпоставуваше дека тоа ќе стане иднината во трговијата. Според податоците на НБРСМ е-трговијата, во услови на пандемија е зголемена за 20% . Главниот аспект е заштитата. Можно ли е да се пробиваат алатките за плаќање и колку е се тоа сигурно.

-Е-трговијата доживува енормен раст. Компанијата каде што работам и како технички провајдер ги преземаме сите мерки да ги увериме граѓаните дека е-трговијата е безбедна. Подлежиме на лиценцирање и сертификација што е важно од глобален стандард за заштита од податоци од доменот на платежната индустрија, изјави во Утрински брифинг, Филомена Пљаковска Аспровска, главен извршен директор на Касис АД Скопје.

-Само кај нас функционираат повеќе од 1000 трговци. Се уште официјално ја немаме статистиката. Она што мора да го кажам повторно е дека ние исполнуваме глобални светски стандарди. Тоа што познатите светски брендови го исполнуваат потребно е и ние да го имаме. Морам да напоменам дека пропорцијата е обратна имаме 60-70% пртодажба кај македонските е-продавници, за разлика од странските.

-Со континуриана едукација и сесии организирани од нас како експерти за едно со банките и сите што се занимаваат со сајбер безбедност треба луѓето да ги приближиме до бенефитот од е-трговијата, вели Пљаковска Аспровска и вели дека секој оној што сака да направи е-трговија потребно е да побара од банката да добие смс известување што би било јасен сигнал дека плаќањето е безбедно.

Целиот разговор со главниот извршен директор на Касис АД Скопје, Филомена Пљаковска Аспровска, погледнете го во видеото