Разговор со Калиа Димитрова за Медуза.мк – единствениот феминистички портал во земјава

Единствениот феминистички портал во земјава, Медуза. мк одбележува двегодишнина од своето работење, а уредничката Калиа Димитрова вели дека значајно ваков вид на теми да се достапни на македонски јазик „Мора да имаме на ум дека некои девојки и жени немаат пристап до странски портали, а со оглед на тоа дека кај нас има поголем број организации кои се занимаваат со правата на жените, сметавме дека е крајно време тоа да се отслика и во дигиталниот простор.

Покрај тоа што објавуваме теориски текстови, нашиот фокус се темите кои се дел од секојдневието на повеќето девојки, жени и маргнализирани групи и нивното прикажување преку родовата перспектива, бидејќи повеќето социо политички и културни прашања може да се гледаат низ една таква призма, особено ако сакаме да разбереме како функционира системската дискриминација, како функционира родовата нееднаквост. Токму затоа често пишуваме за многу секојдневни теми кои многу луѓе не ги гледаат како дел од поширок родов дискурс, туку ги доживуваат како свои приватни проблеми или исклученост, или сопствени чувства, а ние се обидуваме да ги ставиме во родова рамка за да може да направиме поголема база на луѓе кои се препознаваат како феминисти и феминистки и преку тоа препознавање да почнат да прават суштински промени, прво кај себе си, а потоа и општествено.

Сепак нашата публика не ја отсликува состојбата во општеството. Многу е тешко во земја која се’ уште има закочен образовен систем и претставува еден од постулатите на ширењето на патријахалните вредности, некоја вониституционална акција како што е Медуза – да направи некоја позначајна промена. Сепак институциите се тие кои имаат доволно моќ да го образуваат новите генерации и затоа е многу тешко да се зборува за промени кај младите, пред да се случат реформи во образованието. Нема да видиме промени во позитивен правец додека не видиме образовни реформи“, вели за Утрински брифинг, Калиа Димитрова, уредничка на Медуза мк.v