Славчо најавува променливо и облачно време, со температури до 12 степени

Денеска времето во државава ќе биде променливо облачно а ќе дува и умерен ветер од јужен правен кој повремено на некои места ќе засилува. Во западните предели ќе има услови за слаби локални врнежи од дожд, додека на повисоките планини ќе провејува слаб снег. Максималните дневни температури ќе се искачуваат во интервалот од 6 до 12 степени.

Во Скопје и околината времето ќе биде променливо облачно со умерен ветер од јужен правец и истиот повремено ќе засилува. Максималната дневна температура ќе се искачи до околу 8 степени.

Потоа за време на викендот времето ќе биде променливо облачно со повремени врнежи од дожд и тоа особено во попладневните и во вечерните часови. Врнежите локално ќе бидат и ПОИНТЕНЗИВНИ, додека на планините ќе има врнежи од снег каде снежната покривка значително ќе се зголеми. Температурите на воздухот ќе се искачуваат во интервалот од 6 до 13 степени. На почетокот од следната недела под влијание на постудена воздушна маса врнежи од снег ќе има понекаде и на повисоките населени места. Ќе дува и умерен до засилен ветер од јужен, а во понеделник од западен правец.