Коцевски: Нема да се кандидирам за втор мандат – мислам дека доволно направив за граѓанките и граѓаните на Велес

Велес е отворен и транзитен град. Секојдневно се патува за Куманово, Скопје, Кавадарци, Штип. Велешани се во контакт со многу луѓе и нормално е бројката на заразени со ковид-19 да биде онаква каква што е. Но сметам дека е стабилна состојбата. Имаме одлична соработка со здравствените домови, армијата, Црвениот крст. Секогаш апелираме дека граѓаните треба да бидат внимателни, да се почитуваат препораките, изјави во Утрински брифинг, градоначланикот на Велес, Аце Коцевски.

Нема да се кандидирам за нов мандат. Мислам дека е доволно ова што го сторив за граѓанките и граѓаните на Велес, вели Коцевски.

Се надевам дека еден дел од работите кои сега ќе ги започнеме, ќе ги завршиме. Најголем предизвик ни е изградба на нов градски, затворен зелен пазар. Утре или задутре ќе биде јавното наддавање. Вчера добив една добра вест од Министерството за животна средина и просторно планирање, дека Велес и Штип се влезени во ИПА 3 програмата за изградба на колеткорски системи и прочестителни станици, вели Коцевски.

Успевме да дојдеме до целосна техничка документација за изградба на секундарна мрежа за гасификација на Велес. Во моментов се водат преговори со компании кои се заинтересирани да оперираат со гасоводните системи, изјави Коцевски.

Целиот разговор погледнете го во видеото