Трајанов: Нема потреба од етничка припадност во ЛК – партиите да се повлечат од оваа „лудорија“

ДС подготви елаборат за изборните модели и во Европа и светот се покажа дека пропорционалниот модел со една изборна единица е најефикасен и со најдемократски елементи, затоа што при изборот парламентарниот состав е реален одраз на определбата на граѓаните. Ова е трет пат како поднесуваме ваков закон, бидејќи претходното парламентарно мнозинство, пред се ВМРО-ДПМНЕ немаше таква определба за една изборна единица. Пред неколку години повторно го доставив Законот, се формираше парламентарна група, се говореше дека промените требад а бидат после изборите. ДС меѓудругото е во соработка со СДСМ, бидејќи ветуваа дека ќе го променат изборниот модел, стои и во нивната програмска определба и од тој аспект, барем вербално СДСМ е за една изборна единица. По изборите видов дека има развлекување, апсолутно не им одговара ВМРО-ДПМНЕ и СДСМ да отидат самостојно на избори. Сега СДСМ има 23 коалициони партии. Замислете колку гласачи се тоа. И ВМРО-ДПМНЕ има исто така голем број на коалициони партнери, вели лидерот на ДС, Павле Трајанов.

Сега слушаме дека СДСМ и ВМРО-ДПМНЕ формираат работни групи кои ќе работат на Изборниот законик. Јас подолго време разговарам со пратеници, поединци и во основа има определби С Македонија да биде една изборна единица, но влијанието и притисокот на големите партии е огромен и тој процес се развлекува. Сите одвен ДУИ тврдат дека се За. Но ДУИ може да остане изолирана партија ако 105-110 пратеници се изјаснат За промена во една изборна единица.

Целиот разговор со лидерот на ДС Трајанов каде тој говори и за претстојните локални избори, предлогот за гласањето со отисок на прст, за клиентелизмот во партиите, за внесувањето на етничка графа во личната карта, погледнете го во видеото