Интервју со Даниела Рангелова – поранешна пратеничка во Собранието на Северна Македонија

Имавме увид на дел од тоа што беше изнесено на Комисијата за надворешни работи. Мислам дека дел од членовите – пратеници го разгледуваа договорот и имаа забелешки во однос на тој Договор, но сепак мислам дека главната одговорност во тој момент беше на власта бидејќи, тие преземаа одговорност дека ако го потпишат тој Договор за добрососедски односи ќе биде почитуван и од едната и од другата страна, што сега гледаме дека нешто се случува и треба да одговорат што е причината, изјави за празничното издание на Утрински брифинг, екс пратеничката од редовите на ВМРО-ДПМНЕ Даниела Рангелова.

Доколку потпишам Договорот јас конкретно би се држела за рокови, тоа е најважно и со јасни и концизни работи што треба, односно кои обврски треба да ги исполнат и едната и другата страна во Договорот. Во моментов она што се случува од страна на Република Бугарија мислам дека е многу непринципиелно кон нашата држава, заради тоа што еден ден не негираат, не провоцираат, потоа друг ден донираат и тоа е многу непринципиелно за држава која што вика дека ни е братска, пријателски настроена. Мислам дека неправедно е нашата држава, после влогот кој што го дадовме со промената на нашето уставното име, да биде пак во чекалната пред портите на Европската унија. Но јас мислам дека не е толку проблемот идентитетот или признавањето на македонскиот јазик, туку се изборите кои ја очекуваат Република Бугарија на пролет, изјави за Утрински брифинг, Рангелова.

Целиот разговор со Даниела Рангелова погледнете го во видеото