Таравари: Јавна тајна е дека ВМРО-ДПМНЕ и ДУИ разговараат за ново мнозинство
За жал како и секаде и во Гостивар имаше намалување на бројките и сега има покачување, но огромен број на гостиварци исто како и во Македонија развија колективен имунитет. Во период кога се очекуваат вакцини луѓето како да се опуштија, мерките се запоставија, изјави за Утрински брифинг градоначалникот на Гостивар, Арбен Таравари.
Комесијата за заразни болести треба да однесе превентивни мерки пред да се развие третиот бран, тогаш треба да се донесат одредени мерки. Јас гледам дека нашето министерство за жал ги копира прес конференциите на Министерството за здравство во Србија. Ако требаше полициски час тоа требаше да се случи пред Нова година. Имате одредени институции, објекти, коцкарнци, кои работа и после 24, а од друга страна воведуваме полициски час од 22 часот. Јас не знам каде е логиката кога сите ресторани и кафетерии работат до 21. Може да се каже да се ограничи движењето на луѓето, но не полициски час, вели Таравари.
Освен што сме во пандемија, луѓето се наоѓаат во една психодемија, изморени се, Министерството за здравство и Комизијата за заразни болести треба да има аввтетични правила кои не мора да бидат копирани од друга држава, смета Таравари.
Секојдневно имаме огромен број на луѓе кои од ДУИ преминуваат во Алијансата. Мислам дека во владејачката СДСМ има комплекс на нестабилност. Зошто инаку би се пребројувале? Одредени политички сигнали има, не е само БЕСА која што избега од мнозинството како пратеничка група, тука се ЛДП, Павле Трајанов. Тие бегаат од таму како да ќе се случи нешто. Слушаме и внатре во ДУИ што се случува, има огромно незадоволство и неслучајно нема кворум во парламентот. Мислам дека ќе имаме интересна и драматична политичка пролет, вели Таравари.
Точно е тоа дека подолг период нема стабилно мнозинство во Македонија. Никогаш немало мнозинство кое не може да направи кворум и да изгласа закон. Постојат индикатори кои покажуваат дека оваа влада е дисфункционална. Јавна тајна е дека ВМРО-ДПМНЕ и ДУИ разговараат за ново мнозинство.
Целиот разговор погледнете го во видеото