Попоски: Врнежи, па стабилизирање на времето

До крајот на денов во државава ќе се задржи променливото време со повремен локален дожд, на планините врнежите ќе бидат од снег а ќе дува и умерен, на некои места до засилен ветер од југозападен и западен правец. Не некои места брзината на ветерот ќе достигнува над 70 км/час, максималните дневни температури на воздухот ќе се искачуваат во интервалот од 7 до 15 степени.

Во текот на ноќта како и утре изутрина и рано претпладне, услови за локално провејување на снег ќе има и на местата со помала надморска височина, особено во северната половина од државава. Потоа од утре попладне следува период на претежно стабилно и суво време, без никакви врнежи. Температурите на воздухот утре ќе бележат тенденција на не многу голем пад и ќе се искачуваат во интервалот од 4 до 13 степени во најтоплите предели од државава.

Понатаму во следниот период, максималните дневни температури на воздухот повторно ќе бидат над просекот за овој дел од годината, што значи истите ќе бележат тенденција на повторен пораст.