Лукаревска: УЈП има дефицит од кадри и ќе ги распореди 100-те „рамковни“, ќе се контролира и онлајн трговијата од каде се провлекува сивата економија
Падот на приходите кај различни целни групи како што е ивент индустријата и угостителите си го направи своето и вклучени се во шестиот пакет, бидејќи имаат пад на приходите. Сите оние критериуми кои беа направени од економскиот тим на владата за да им се помогне на овие целни групи се согласно сите оние податоци кои ги имаат достаувано преку завршните сметки, даночните билансии…така што сите неточни податоци не им одат во прилог, изјави во Утрински брифинг директорката на Управата за јавни приходи, Сања Лукаревска.
Како што ги видовме критериумите, за мерките за ивент индустријата, треба да им издадеме уверение за платени даноци и продонеси, да немаат никави долгови кон УЈП и врз основа на тоа добиено уверение да аплицираат за мерките. Генерално кај сите компании кои ја користат финасиската поддршка има изрично наведени критериуми по кој што може да аплицираат. Кога било кој од тие критериуми не се исполнети во тој случај и самиот ситем ги отфрла при самото поднесување на барањето, додава Лукаревска.
Кога работодавачот аплицира за финансиската поддршка уште при првиот пакет, заедно со Светската Банка покрај критериуми кои беа во закон наведени имаше и некои други кои требаше да се пополнат преку соодветен прашалник. Врз основа на тоа секој работавач потпиша изјава дека под морална кривична и материјална одговорност гарантира за податоците кои ги има доставено во барањето. Се она што го утврдивме како манипулација ние во нашиот дел постапивме, од друга страна спроведовме контроли заедно со ДИТ, од друга страна направивме и јавна објава – ги ставивме на „ѕидот на срамот“ и доставивме податоци за поднесување на кривична одговорност преку ОЈО, вели Лукаревска.
Во шестиот пакет ние немаме конкретна мерка на која што сме носители, освен дополнителните податоци кои треба да ги дадеме во делот на анализа и давање на уверенијата.
Сивата економија не ја гледаме само преку фискалните сметки, неа ја гледаме и преку даночните затајувања. Секој пат кога некој обврзник смета дека може да го изигра законот ние го согледуваме. Треба да работиме заеднички за и обврзниците и даночнитците системски, заедно да го намалиме процентот на сивата економија. Отвораме нови типови на контроли, посебно преку онлајн трговија од каде што исто така се влече сивата економија.
Целиот разговор погледнете го во видеото