Кордалов: Граѓаните мора да видат дека пратениците работат за нивните интереси
И за пратениците најверојатно е проблематично и тешко да се навикнат на новото време и начинот на информирање сакајќи да избијат што повисоко во медиумите и секако на социјалните медиуми и да бидат во центарот на вниманието, меѓутоа нивната одговорност од друга страна пак е многу поголема и дефинитивно мора да гледаме една комуникација која што доликува на народни избраници.
Ако сакаме да бидеме повторно во едни времиња кога собранискиот канал или кога Собранието или известувањето за собранието беа на многу високо ниво дефинитивно мора да се промени начинот на комуникација. Не велам дека не треба да се користат разно разни форми на поттикнување интерес, на правење на нешто интересно, меѓутоа основното е дека мора граѓаните да видат дека политичарите, во овој случај пратениците работат за нивните интереси, изјави за УБ комуникологот Бојан Кордалов..