Славчо најавува променливо облачно време со услови за локален дожд и грмежи

Денес времето во Македонија ќе биде променливо облачно и посвежо со повремен локален дожд и услови за ретка појава на грмежи. Ќе дува умерен, повремено на некои места засилен ветер од западен и од северозападен правец. Температурите ќе се искачуваат во интервалот од 17 до 25 степени.

Во Скопје и околината времето ќе биде променливо облачно со услови за повремен дожд со послаб интензитет. Ќе дува умерен ветер од северозападен правец и истиот повремено ќе засилува. Максималната температура ќе се искачи до околу 18 степени.

Утре ќе се задржи променливо облачно и свежо време со засилен северен ветер и со слаб локален дожд, додека за време на викендот, како и на почетокот од следната недела времето ќе биде стабилно со значителен пораст на температурите и истите ќе се искачуваат во интервалот од 23 до 31 степен.