Славчо најавува сончево и натпросечно топло време

Денес времето во Македонија ќе биде сончево и натпросечно топло со умерена локална облачност. Ќе дува слаб до умерен ветер претежно од западен правец. Температурите ќе се искачуваат во интервалот од 27 до 35 степени.

Во Скопје и околината времето ќе биде сончево и топло со умерена локална облачност. Ќе дува слаб до умерен ветер од променлив правец, додека максималната температура ќе се искачи до околу 32 степени.

Потоа од утре ќе дува умерен, повремено засилен ветер од западен и од југозападен правец, додека за време на викендот ќе има појава на локална нестабилност, проследена со пороен дожд и грмежи. Услови за локална нестабилност ќе има и во Скопскиот регион за време на викендот.

Температурите и понатаму остануваат високи и над просекот за овој дел од годината, и ќе се искачуваат во интервалот од 28 до 35 степени, додека УВ ИНДЕКСОТ ќе има умерено висока вредност и ќе изнесува коефициент (6).

НАПОМЕНА: Поради изразеното југозападно воздушно струење, од утре во нашата држава ќе се врши транспорт на прашина и песок од Сахара, со што и атмосферата ќе биде заматена, а времето ќе биде релативно спарно и мачно.