Груевски: Рудниците сега имаат нова технологија и не загадуваат, така ќе биде и во Иловица
Еуромакс рисорсис е компанија за инвестиции во рударството. Иловица-Штука е една од големите инвестиции која доживеа непријатности поради локални активисти. За тоа дали ќе продолжи иницијативата за инвестицијата во рудниците во Струмичко разговаравме со Живко Груевски, претставник од компанијата.
-Во сите кампањи во сите избори овие 30 години се ветувале слични проекти, согледувајќи ги потребите, и ако погледнеме дека се повторуваат ветувањата тоа значи дека не се реализирале. Јас како граѓанин, по изборите гледам дека градоначалниците ќе мора да се соочат со реалноста. Кога ќе треба да ги реализираат проектите ќе видат дека општинските каси се празни. Јасно е дека без приходи во општинските каси, не може да се направи ништо, вели Груевски за Утрински брифинг.
Овој проект со рудниците ќе носи најмалку 5 милиони евра за локалните општини во струмичко кои се релативно мали општини и тоа не е занемарливо. Но, оние кои се спротивставуваа на рудниците сега се во советите на општините.
-Ние го поздравивме нивното влегување со по еден член во советите. Но, за мене е побитна оваа инвестиција. Ако не направиме робустни инвестиции, а не мали инвестиции, и понатаму ќе имаме низок степен на раст. Не може до недоглед да го игнорираме тоа, вели Груевски.
-За да се изгради ваков проект, досега се инвестирани 50 милиони евра, а во првите две години се планирани 250 милиони евра. Тоа е од значење не само за локалната туку и за националната економија, вели Груевски.
Локалните жители стравуваат дека ќе замре земјоделскиот бизнис, а нивниот активистички пристап очигледно имаше резултат. Се водат неколку судски процеси, арбитражата е подготвена – т.е. компанијата ќе ја служи РС Македонија пред Меѓународниот суд за неисполнети обврски.
-Нашите испитувања велат дека нема да има загадување. Еколошките здруженија се апсолутно неопходни, но треба да се повикуваат на науката а не на паушални оценки и пароли како „рудник на смртта“.
Целиот разговор погледнете го во видеото