Проф. Колозова: Академската заедница сигурно нема да го реши спорот со Бугарија, но ќе ја подотвори вратата

Интересна конференција се одржува денеска во Скопје, а темата е како да се реинвентираат патиштата за комуникација на Балканот.

-Гостите не се случајно избрани, главно се од Вишеградската група, кои исто имаат заеднички, споени истории кои порано беа извор на конфликт, а денес на соработка. Сакаме да видиме колку тоа искуство може да ни помогне во решавање на нашата ситуација во нашиот регион, вели за Утрински брифинг проф. д-р Катарина Колозова, директорка на Институтот за општествени и хуманистички науки – Скопје.

Колозова вели дека проблемот треба да се погледне како „наш заеднички“, а не „наш“ и „ваш“ со што би можеле да се изнесат предложи за можни решенија и препораки во обид да влијаеме позитивно на целата клима.

-Академската заедница секогаш врши влијание врз јавната сцена, врз начинот на кој се говори за нештата во јавноста. Менувајќи го мислењето во јавноста се надеваме дека можеме да ѝ овозможиме на политиката полесен пристап до решавање на проблемите и концептуална алатка за тоа, вели Колозова и додава дека академската заедница сигурно нема да го реши спорот но ќе ја подотвори вратата.

Целиот разговор погледнете го во видеото