Дујовски: Безбедноста е на стабилно ниво, но сајбер пропагандата и пенетрацијата на Русија ќе продолжи

Не само ние, туку и сите држави во регионот градат стратегија како да се заштитат од новата појава на сајбер криминал. Додека сме успеале да најдеме одреден лек во делот на нападите од лажните вести, веднаш дошле нови. Очекувам дека ова ќе продолжи, изјави во Утрински брифинг, Никола Дујовски, декан на Факултетот за безбедност.

Денеска е свечен ден – 11 февруари денот кога од наша страна ги завршуваме сите обврски по речиси три децении пат кон НАТО.

Протоколот е стандардна процедура при депонирањето на документите во Вашнгтон каде што се чувааат и основачките акти на НАТО, изјави во Утрински брифинг Никола Дујовски, декан на Факултетот за безбедност.

Ратификацијата на договорот е цврст факт за континуитетот за влез во НАТО. Но постојат и изјави од типот дека ние кога ќе дојдеме на власт ќе размислуваме на промена на Договорот од Преспа и Договорот со Бугарија – возможно ли е тоа во меѓународната генда и на каков начин?

Не е возможно. Како прво членството во НАТО секогаш имало десетина проценти поголема поддршка од она во ЕУ. Членството во НАТО подразбира запечатено прашање. Нашата безбедност е ставена под капата на најголемото пбезбедносно семејство. Било каква промена на Договорот од Преспа не доаѓа предвид. Тој е неменлив и има гаранции и клаузули да ниту една политичка партија не може да го замени.

За мене е ова дневна политика. Едно зборувате кога сте во опозиција и се обидувате да привлечете гласачи, друго кога сте на власт. И тоа го прават сите политичари. И поранешниот премиер Заев зборувал едно пред да биде премиер. Мицкоски пак зборува друго. Јас ве уверувам дека доколку тој ја преземе владата нема да направи ниту едно поместување околу Преспанскиот Договор. Ги памтиме изјавите на Мицотакис, кој беше главен критичар на Преспанскиот догвоор, но еве сега тој е гарант дека истиот се спроведува.

Во меѓународното право постои најстарото правило дека договорите мора да се почитуваат.

Околу предлог законот за ЈО, Дујовски смета дека обвинителството и судството се на испит. Засега изостанува битката против криминалот иако се водат случаи. Но факт е дека не можете да обезбедите соодветно законско решение со оние кои се осомничени за криминал, а тие се уште се во позиција да преговараат за себе. Тие не преговараат за квалитетен закон. Засегнатите пратеници имаат личен интерес да се одолговлекува постапката. Партијата која сега е во опозиција има доволно пратеници да блокира клучни закони.