Пачкова: Објавивме изјави на самохрани мајки за да се дознае со што секојдневно се соочуваат
„Компилација мегафон 1: Анонимна реалност/дојави на еднородителски семејства и самохрани мајки во Република С. Македонија“, е насловот на публикацијата која неодамна ја објави здружението „Една може!“, а чија авторка е претседателката на здружението Дороти Пачкова.
„Компилација мегафон број е еден е само почеток на она што следува, бидејќи ваков тип на компилации подготвуваме уште најмалку пет. Овој тип на креативно застапување настана благодарение на нашето членство кое онсистираше да се пренесат во јавноста нивните приказни, за да не останат гетоизирирани само во рамки на нашата платформа. Овој мегафон е всушност гласот на обезгласените жени, можност да се слушнат приказните за кои се смета дека се приватни сфери, кој нема кој да ги разбере, или пак вообичанео се заклучува: „Сама си го барала, сама си е виновна“.
За жал тоа го живеат многу жени, а ние ја направивме оваа публикација која има повеќе наменни: едната намена е да ја сензибилизира широката јавност односно сите оние кои ќе дојдат во контакт со самите приказни, втората намена е ова да ни биде документ за застапување пред државните инсититуции заради тоа што и денес, во 21-от век, ние се соочуваме со незнаење за тоа што значи еднородителско семејство и тоа во институциите како Собрание, Влада итн. Ако парламентарките мешаат термини, тогаш треба да се прашаат како тие се во служба на граѓанките, на семејствата. Затоа го создадовме овој мегафон за да прочитаат со какви предизвици секојдневно се соочуваат самохраните мајки, еднородителските семејства и децата од еднородителските семејства“, вели за Утрински брифинг Дороти Пачкова, претседателка на здружението Една може.
Во публикацијата се содржани барања или проблеми кои ги пријавиле самохраните мајки во здружението. Најголем дел од нив се однесуваат на семејно насилство, насилство и по разделба, нарушени семејни односи, закани, одземање на дете, неисплатени алиментации и слично.
Повеќе од разговорот погледнете во видеото.