Славчо најавува сончево и малку потопло време

Денес времето во Македонија ќе биде сончево и малку потопло преку ден со мала до умерена локална облачност. Ќе дува слаб до умерен, а долж повардарието повремено засилен ветер од северозападен правец. Температурите ќе се искачуваат во интервалот од 2 до 9 степени.

Во Скопје и околината времето ќе биде сончево со мала до умерена локална облачност. Ќе дува умерен ветер од северен и од северозападен правец и истиот повремено ќе засилува на интензитет. Максималната температура ќе се искачи до околу 4 степени.

Потоа за време на викендот, како и во почетокот од следната недела времето ќе се задржи стабилно, суво и сончево со мала локална облачност. Утре сеуште ќе дува умерен, а Долж Повардарието повремено засилен ветер од северен и од северозападен правец. Минималните температури насекаде ќе се спуштаат под нулата, односно истите ќе се спуштаат во интервалот од -9 до -2 степени.

Максималните пак ќе се искачуваат во интервалот од 2 до 11 степени во најтоплите предели од државава.