Христов од „Банка за храна“: Нашата мисија е нула глад и нула загуби во храна
Пандемијата од корона вирусот, економската криза предизвикана од неа, а сега и војната во Украина енормно ги покачија цените и го осиромашија џебот на граѓаните.
Но она што најмногу загрижува, а за кое постојано апелираат и од организацијата на Обединетите Нации е тоа дека стравувањата според нивните проценки се дека светот ќе се соочи со недостиг на храна доколку итно не се спречи ова апокалиптично сценарио.
Во целата оваа ситуација најпогодени се сиромашните и социјално загрозените категории граѓани. Можеби конечно и ќе се освестиме дека мора да го промениме пристапот и односот кон храната, со оглед дека огромни количини храна, на годишно ниво завршуваат во депонии, а можат да завршат на нечии трпези и да нахранат многу гладни усти.
Високите цени на храната не ја поштедија ниту земјава. Тие агресивно го гризат оброкот на овие категорија граѓани и во прашање ја ставаат нивната животна егзистенција.
Пред 11 години еден од нас реши да даде свој придонес во насока на ублажување на и онака тешката состојба и презеде акција да помогне во обезбедувањето достоинствен оброк на овие лица, а за таа цел основаше „Банка за храна“.
Во Утрински брифинг разговаравме со Душко Христов, основач и раководител на оваа организација.
-Нашата мисија е возможна ако како општество се освестиме. Нашата мисија е нула глад и нула загуби во храна. Тоа го акцентираме што како општество треба да го практицираме. Со пандемијата и украинската криза мора да ставиме прст на чело што и колку купуваме и како сето тоа го конзумираме.
-Храната што се фрла може да нахрани околу 15.000 семејства. Пандемијата и кризата денес покажаа едно друго лице во општеството.
-Страшно е што над 60% од тие семејства се деца. Работите мора да се кажуваат со вистински зборови.
Целиот разговор погледнете го во видеото
