Атовска од Киев: Состојбата на фронтовите во Украина се разгорува
-Состојбата на фронтовите се разгорува. Само во регионот на Харков во едно деноноќие загинаа околу 20 цивили од проектилите и бомбите кои паѓаат во таа област. Беа погодени и цивилни згради, па дел од жителите на Харков во текот на ноќта ги загубиле своите животи, јавува од Киев, Украина, репортерот на „Утрински брифинг“ и „Слободен печат“, Кристина Атовска.
-Најновите вести се дека пристигнува оружјето. Вчера со радост беше дочекана веста дека пристигнаа германските „Хаубици“ со долг дострел. Практично ова е прво такво оружје кое Германија го испраќа во Украина. Тие имаат дострел од околу 36 километри, а дополнително може да се прикачат ракети кои може да имаат дострел до 67 километри.
-Токму недостатокот на оружјето со долг дострел беше најголем проблем на украинската армија, бидејќи оние линии на огнот мораше да бидат многу блиску. Сега се очекува таа состојба да се промени.
-Дополнително се очекува Словачка да испрати и борбени „Мигови“ кои треба во текот на наредните денови да пристигнат, со што практично би можела и Украина да се бори на небото, како што тоа го прави Русија.
-Русија исто така масовно се вооружува. Ако до завчера беа два руски брода во Црното море, со крстосувачки ракети, утранава украинската армија соопшти дека се шест такви бродови, јавува Атовска.
Целиот извештај погледнете го во видеото