Ристо Иванов: Македонија губи 2 милијарди евра поради отсуство на идеи и тимови за користење на ЕУ фондовите

Европските пари и начинот на кој што можевме и може да ги искористиме за сопствениот развој – регионален, рурален и човечки.

Од ИПА Фондовите за претпристапна помош, Македонија со очекуваните 600.000.000 во периодот 2021 до 2027, добила или може да очекува над 1.500.000.000 евра.

Ова е податок кој секако ќе ги замисли песимистите и скептиците кои говорат дека од Унијата ништо немаме добиено.

Гостин во Утрински брифинг беше Ристо Иванов, финансиски консултант кој говореше за дилемата дали Северна Македонија има тимови и идеи со кои можеме да ги реализираме овие средства.

ИПА 2 е вкупно 608.700.000 евра или околу 100 милиони годишно. Доколку тоа се реализира би значело 1% пораст на општествениот прозивод годишно. Тие пари сепак се само алоцирани. Следниот чекор е да се добијат и третиот да се потрошат. Кај нас работите не стојат баш најдобро. Последните истражувања покажуваат дека ние од тие 100 милиони сме добиле само 67% на сметки во државата. Но од тие 67% само 35% се навистина потрошени, вели Иванов.

Кога се зборува за стручност има две работи. Да ги имаш на располагање и да ги координираш и да обезбедиш информации они да можат да делуваат. Кај нас многу потешко се координираат.

Имам примери во кои што три-четири институции кои што заеднички треба да напраат инфраструктурни зафати на јавни институции по година дена не можат да се договорат. И делегацијата на ЕУ се чуди како е тоа можно.

Затоа велам дека ние како Македонија треба да одговориме на две прашања. Зошто ни треба помош и како располагаме со помошта. На пример ние имаме огромна сума на пари кои ги менаџира Светска банка, од Европа бидејќи дека ние немаме капацитет парите ги даваат да ги менаџира Светска банка.

И нормално тимот си го наплаќа тоа. На тој начин не само што ги губиме парите, туку и работни места за наши луѓе губиме, вели Иванов.