Славчо најавува стабилно, суво и релативно топло време

До крајот на денов во државава ќе имаме стабилно, суво и сончево време со мала локална облачност. Особено долж Повардарието и на исток ќе дува слаб до умерен ветер од северозападен правец. Максималните дневни температури на воздухот ќе се искачуваат во интервалот од 9 до 17 степени.

Во Скопје и околината времето ќе биде стабилно, суво и сончево со мала локална облачност, ќе дува слаб до умерен ветер од северозападен правец. Максималната дневна температура на воздухот ќе се искачи до околу 15 степени.

Во следните денови и понатаму ќе бидеме под влијание на стабилна и сува воздушна маса. Времето ќе биде сончево, повремено со мала до умерена локална облачност. Особено утре ќе дува северен ветер кој ќе засилува. Минималните температури на воздухот ќе се спуштаат во интервалот претежно од -4 до 3 степени, максималните дневни пак ќе се искачуваат во интервалот од 11 до 18 степени.