? Зафировски од МОРО-Работничка партија: Да не дозволиме да се владее како што се сака без да се праша работникот

Нашата основна цел е правата и стандардот на работникот. Сведоци сме дека во последните 30 години системот што го изградија ВМРО-ДПМНЕ и СДСМ доведе до едно пропаѓање на стандардот и вредноста на животот на работникот кој од ’90-та наваму е намален за 1.200%.

Тоа е затоа што во нашиот систем немаше претставник кој ќе го заштити работникот, работното место, фабриките. Се случи страшна криминална приватизација, уништување на профитабилни фирми.

За жал тоа се случуваше и тоа беше причината да се појавиме како работничка партија која ќе го заштити работникот и да не може да се владее како што се сака без да се праша работникот, истакна во Утрински брифинг, Горан Зафировски, претседател на МОРО – Работничка партија.

За да се влеземе во една пазарна економија треба да се донесе закон за најмала гарантирана исплатена саатнина. Саатнината е основно мерило на трудот на работникот во сите демократски држави. Додека не се донесе таков закон не сме ни приближно блиску до европските држави, вели Зафировски.

Целиот разговор со претседателот на МОРО – Работничка партија, Горан Зафировски, погледнете го во видеото