?? Митровски: Започнуваме платформа за обезбедување на онлајн правни совети

Онлајн правно советување е идеја на која подолго време работиме. За прв пат во Македонија се имплементира ваков проект. Комуникацијата на платформата на почеток ќе се одвива со мене, а во иднина кога ќе ја прошириме истата со други адвокати ќе има опција и лично на кој адвокат ќе сакате да му се обратите, како и областите во правото, изјави за Утрински брифинг Јанаки Митровски, адвокат.

-Одберете еден од слободните термини од календарот и внесете ги Вашите податоци онака како што се наведени во означените полиња. Опишете го вашиот легален проблем или правно прашање во означеното поле, и прикачете ги сите документи кои се потребни за одлучување. Задолжително наведете дали сакате скајп состанок или одговор по емаил. Рок за одговор е 24 часа. Доколку Вашиот правен проблем не е од доменот на потесна специјалност на адвокатите со кои соработуваме, барањето ќе биде одбиено, а резервираните средства ќе Ви бидат вратени, додава Митровски.