Малку психолози сме на терен со настраданите од пожарот во Кочани,вели Ивановска од „Себесложувалка“

По трагедијата во Кочани во првите редови за прва помош се активирани група од психолози кои се од првиот момент меѓу настраданите семејства од пожарот, но и за целокупното население кое чувствува потреба од психолошка помош. Тие беа присутни уште во првите моменти на несреќата со пункт пред болниците, а веќе следниот ден тим од психолози отпатува во Кочани за да ја пружа потребната помош Се работи за сисиематизирана метода во организиација на Комората на психолози и Црвениот Крст, вели за „Слободен печат“ Тиана Ивановска, лиценциран психолог и психотерапевт од „Себесложувалка“.

„Постојано се движиме во тим, интервенираме во тим и на некој начин тоа претставува една амортизација на сè она коешто го носиме при тие теренски присуства. Но, сепак, ситуацијата во Кочани е траорна, сега е премногу рано да се зборува за што било. Важно е да сме таму, доволно е да сме присутни и да сослушаме, бидејќи овие средби со нас не се класична средба со психолог. Се обидуваме да пристапиме до луѓето ненаметливо, да се обидеме да поразговараме со нив без никаков притисок. Ние не одиме и не им викаме: „Здраво јас сум психолог“. Ова се тешки моменти, доволно е човек да биде присутен само и да слуша“ – вели Ивановска.

Овој тип на метода не е психотерапија

„Нашиот пристап со луѓето таму нема врска со психотерапија, но нема врска ниту со психолошко советување, затоа што вие не можете да советувате некој којшто се наоѓа во криза или во шок. Овој тип на метода не опфаќа длабински влегување во некаков процес. Фокусирани сме на едно заземјување, на вракјање во реалноста на човекот којшто се наогеа во криза. Проверка дали се задоволени тие базични потреби. Значи, дали на човекот му е потребна вода, храна, дали ја примиле терапијата, ако претходно пиеле некоја хронична терапија, дали прават контакт со нас, значи, дали не гледа, дали има реакција, дали реагираат на нашиот глас. Се сведува на едно присуство коешто на секој човек му е потребно, кога се наоѓа во криза“ – вели Ивановска.

новинарка – Александра Вукасновиќ

Слободен печат – секогаш на страна на народот.
https://www.slobodenpecat.mk/

Претплатете се на нашиот Youtube канал

Следете нѐ на Facebook: https://www.facebook.com/slobodenpecat
Следете нѐ на Instagram: https://www.instagram.com/slobodenpecat/
Следете нѐ на Twitter: https://twitter.com/sloboden_pecat/

#slobodenpecat #slobodnaTV
#slobodenpecat #slobodnaTV