Сара Климоска: Жените глумици мора да бидат витки и сексапилни

⚡️21 ноември 2025, #Скопје #🇲🇰 • 🎭 Сара Климоска, една од најангажираните и најталентирани актерки во македонскиот филм – добитничка на престижната награда на Берлинале за најдобра актерка во подем е наша гостинка во третата епизода на поткастот „Со Ана на ТИ“. Нејзината професионална енергија, храброст и неверојатна харизма пред камерата ја поставија како едно од најзвучните имиња на новата генерација глумици.

💭 Со Сара разговаравме искрено и без задршка за професионалните предизвици, за љубовта кон филмот и за тоа што ја мотивира да го гради својот пат на големото платно и во театарот. Отворено зборувавме за состојбата и условите во македонската филмска индустрија, за предрасудите со кои се соочуваат жените глумици и за нереалните очекувања што понекогаш ги имаат филмските работници. Допревме и чувствителни теми како голотијата пред камера, довербата што треба да постои во тимот и каде е границата меѓу професионализмот и непотребниот притисок.

_____

🎙️ „Со Ана на ТИ“ е женски поткаст кој пренесува нераскажани, лични приказни на луѓе кои оставиле уникатен личен и професионален печат во културата, уметноста, забавата и градскиот живот кај нас. Со гостите зборуваме за првите љубови, болки, борби, падови и успеси кои сите нѐ прават луѓе.

▶️ Вечерва, со почеток од 19 часот гледај ја новата епизода на поткастот „Со Ана на ТИ“ на јутуб каналот на Слободен печат!