Андоновиќ: Косово доби нов претседател

Вјоса Османи е нова претседателка на Република Косово, откако вч/ера за нејзиниот избор гласаа мнозинството пратеници во републичкото Собрание, Досегашната пратеничка, а поранешна собраниска спикерка на Собранието и вршителка на должноста претседателка на државата, 39-годишната правничка Османи, го доби петгодишниот мандат на чело на државата во третиот круг на гласање, откако за неа гласаа 72 пратеници. Неважечки беа 11 гласачки ливчиња, додека противкандидатот на Османи, Насуф Бејта не освои ниту еден глас. Според Уставот на Косово, за да биде избран за претседател на државата, за еден кандидат треба да гласаат две третини, односно 80 од пратениците во 120-членото Собрание.

Доколку во првите два круга ниеден од кандидатите не ги добие потребните гласови, во третиот круг се избира кандидатот што ќе освои 61 глас, но под услов да гласале најмалку 80 пратеници. Доколку и во третиот обид не се избере претседател на државата, Собранието се самораспушта и се закажуваат нови парламентарни избори, кои треба да се одржат во рок од 80 дена. Вчерашната седница беше продолжение на завчерашната , кога во првиот круг, во два обиди не беа обезбедени 80 гласа, односно гласаа 78 првиот пат и 79 вториот пат. Демократска партија на Косово и Алијанса за иднината на Косово. Откако положи заклетва и по изведувањето на косовската химна, Османи од собраниската говорница ѝ се обрати на јавноста при што, меѓу другото, ги повика сите политички фактори да ѝ се приклучат во напорите за натамошно градење на демократска држава.

Османи порача дека ќе ја продолжи и досегашната практика на градење добрососедски односи, но најави дека од новата позиција нема да престане да бара правда за жртвите од војната со Србија во 1998-99 година и казна за сторителите на геноцидот и злосторствата против цивилното население во Косово. Вјоса Османи е петта претседателка на Косово од осамостојувањето на државата. Пред неа на чело на државата беа Ибрахим Ругова, Фатмир Сејдиу, Атифете Јахјага и Хашим Тачи.