Андоновиќ: САД би можеле да бидат новото светско жариште на коронавирусот, Њујорк да биде новиот Вухан
Кина ги укина драстичните ограничувања воведени пред неколку месеци во покраината Хубеи, жариштето на пандемијата со новиот коронавирус. Во последните 24 часа во Кина не е откриен ниту еден случај на локална зараза, а регистрирани се 474 пациенти кои вратиле од странство.
Што се однесува до новите жртви во последните 24 часа починале четири лица, од кои три во покраината Хубеи, каде се наоѓа Вухан, градот од каде започна ширењето на Ковид-19.
Во меѓувреме Американскиот државен секретар Мајк Помпео остро го критикуваше однесувањето на Кина за ширењето на заразата со коронавирусот, велејќи дека нивната владејачка Комунистичка партија се уште крие информации потребни за да спречат понатамошни случаи.
Помпео ги повтори претходните обвинувања дека ненавременото и нецелосно информирање на Кина за вирусот ги загрозило луѓето ширум светот, индиректно обвинувајки го Пекинг дека е виновен за ширењето на пандемијата. Помпео, во стилот на американската реторика не пропушти да ги обвини и Иран и Русија за кампањите за дезинформации за вирусот. Особена критика е упатена кон Москва и Техеран дека зад ширењето на вирусот можеби стои американската армија стационирана во Италија и нејзин обид за биолошка војна.
Во меѓувреме Пентагон за прв пат од започнувањето на кризата се огласи со проценка дека пандемијата на коронавирусот ќе трае со месеци. Реакцијата на Пентагон доаѓа по растечкиот биланс на заразени и починати во САД. Бројката на инфицирани Американци е околу 54.000, од кои речиси половината, 26 илјади се во Њујорк, додека вкупно починати се 706 лица.
Црните прогнози велат дека САД би можеле да бидат новиот светски епицентар на коронавирусот, а дека Њујорк би моѓел да биде новиот Вухан.
САД засега се наоѓаат на трето место по бројот на зарзаени во светот. Првите две места по бројот на заразени и натаму доаѓаат од Европа, а СЗО информира дека дури 85 отсто од новите случаи во последните 24 часа се пријавени во Европа и во САД. Италија се уште важи за земја која е епицентарот во Европа со најголем број нановоинфицирани и со најголем број жртви.
До вчера бројот на починати повторно се зголеми на повеќе од 700 – 743. Таму до сега има 6.820 починати, а вкупниот број заразени е близу 70.000 луѓе. Стапката на смртност е речиси 10 проценти. Критично е и во Шпанија, каде вкупниот број на починати е 2.991, а веќе има 42.000 заразени лица.
Во соседството, во Србија утринава е регистрирана и четвртатата жртва. Се работи за 60 годишна жена доктор гинеколог. Таа починала од последиците на корона вирусот, а има 303 лица заразени од коронавирус меѓу нив и две бебиња на возраст од само 27 дена и 28 недели.
Здравствените власти во земјата велат дека голем број од инфицираните се многу млади лица кои во моментов не се во добра здравствена кондиција. Српските доктори велат дека голем број од заразените се во роднински врски, а меѓу нив има и цели семејства, и апелираат дека единствена превенција против ширењето на вирусот е целосна изолација.
Во Косово пак покрај новозарзаените од ковид 19, се чини дека можеби прва политчка жртва на коронавирусот би моѓел да биде премиерот Албин Курти. Во услови на светската пандемија на коронавирусот косовското собрание денеска одржува седница на која ќе се расправа и ке се гласа за доверба на Владата на Курти.
Иницијативата за гласање недоверба на Владата во која и самиот учествува, ЛДК ја покрена откако премиерот Курти пред една недела, на 18 март, го смени неговиот министер за внатрешни работи Агим Велиу.
Како дополнителен удар врз Курти вчера дојде и од претседатеот Хашим Тачи, кој ги повика граѓаните да не се придржуваат на мерките на владата за ограничено движење бидејки така се нарушуваат човековите права и слободи. Тачи бара од Курти да воведе вонредна состојба, па тогаш да воведе и ограничувања на што Курти засега се противи.