Андоновиќ: Светот го потцени коронавирусот, а тој возврати со новозаболени – Падна владата на Албин Курти
Соединетите Американски Држави се на пат да станат следниот епицентар на коронавирусот. Вака гласи песимистичката прогноза на СЗО по најновите бројки. А тие бројки велат дека изминатиов период повеќе од 1.000 Американци починале, додека инфицирани се 60.000 луѓе. Повеќе од половина од населението во САД се во изолација. Па така според бројот на заразени лица, САД сега се наоѓаат на трето место по Кина и Италија.
Во Меѓувреме, Шпанија и Италија ја престигнаа Кина по бројот на починати од последиците на коронавирусот.
Италија за викендов се очекува да го доживее врвот на епидемијата. Шпанија поради билансот на 738 смртни случаи во изминатото деноноќие, беше принудена да ја продолжи вонредната состојба.
Одлуката на повеќето држави да воведе вонредна состојба, полициски час и да ја изведе армијата на улиците само укажува колку состојбата со коронавирусот е сериозна и колку судејки според бројките на заразени и починати, можеби реакциите се задоцнети.
Во светот досега починаа повеќе од 21 илјада луѓе од коронавирусот, а заразени се повеќе од 470 милиони луѓе.
Бројни држави меѓу кои Италија и Индија се во целосна блокада. Индија со околу милијарда население би можело да биде следното големо жариште на коронавирусот. Ова дополнително би ја искомплицирало и онака сложената состојба со пандемијата на коронавирусот.
Се поставува прашањето дали доколку навремено се реагираше, ќе можеше да се сузбијат последиците и воопшто да се спречи оваа пандемија.
Политиката сега го игра своето, ако се земе предвид дека има одредени обвинувања за тоа кој е виновен или кој крие информации за вистинската состојба со бројката на заразени.
Кина која како светско жариште од каде тргна пандемијата, судејки според опаѓачката бројка на новозаразени, го победува коронавирусот. Кинезите сега го дава своето искуство за другите држави како да се справат со вирусот.
Другите супер сили, пред се САД, како да не се подготвени да ги слушаат овие совети и искуства. Возвраќаат со обвинувања дека комунистичкиот режим во Пекинг крие информации за вистинските бројки на заразени.
И Русија, која има бројно население, засега со незначителни бројки и чекори за коронавирусот.
Бројката од еден починат 683 заразени од Ковид 19 е незначителна за една држава од 200 милиони. Ова дополнително укажува дека не е толку транспарентно информирана јавноста.
Токму овие задоцнети реакции и резултираа со зголемување на бројката и ставањето на светот во вонредна и досега невиден состојба во новата светска историја.
Оттаму и апелите на сите речиси релевантни политички и јавни личности дека светот треба заеднички да се бори против коронавирусот. Националистичкиот и индивидуален пристап кон вирусот е себичен и нема да донесе никакви резултати.
И кога сме кај политиката, синоќа косовското собрание му изгласа недоверба на владиниот кабинет на Албин Курти.
И покрај глобалната пандемија, политичката нетрпеливост и нерешените односи меѓу коалиционите партнери, предзвикаа Косово да остане без влада, особено во овие сложени безбедносни и здравствени околности.
Неукинување на данокот на стока од Србија и БиХ без воведување „реципроцитет“ што е поврзано наводно со уништување на односите со САД, како и отстранување на Агим Вељиу од функцијата министер за внатрешни работи беше поводот за гласање на недовербата. Премиерот Курти како причини за соборување на владата го истакна неговото противење за веќе договорената размена на територии меѓу Косово и Србија како решавање на косовското прашање.
Доколку ова се покаже како точно, може да дојде до домино ефект и во останатите држави. Така регионот пред се би можел да се соочи со нови политички и безбедносни искушенија, најдоцна по завршувањето на пандемијата со корнавирусот.