Антевски: Владините мерки стимулираат намалено производство-узлужните дејности се важни, но нема развој ако запре индустријата
-Ова е шумски пожар што го гасиме со малите апарати за гасење од кола, така што со вакви мерки тешко дека ќе го изгасиме пожарот, затоа што не ја гледаме целата економија и не ги гледаме сите проблеми што ни се појавуваат во нашето работење. Овие мерки искрено се закаснети и не се размислува што ќе биде после три или шест месеци кога ќе имаме поголеми проблеми, изјави за Утрински брифинг Горан Антевски, директор на Раде Кончар ТЕП, околу предложените економските мерки од страна на Владата.
-Ние оваа криза ќе ја осетиме јуни, јули, август кога ќе имаме намален обем на работа.
-Секоја недела ние имаме нов пакет, што е малку чудно, затоа што не знаете кога ќе дојде вашиот пакет за вие да ја спасувате вашата компанија. За мене е неразбирливо тоа. Сите земји од нашето опкружување имаат друг пристап на решавање на проблометот, затоа што тие го даваат копмплетот одеднаш за сите компании. Независно дали е мала, средна, голема, трговија, туризам, производство. Од кризава сите се погодени. Еве мојата компанија, скоро шповеќе од 10% од вработените ни се дома, бидејќи се постари од 60 години, а има и жени кои чуват деца. Истиот ден по препораките на Владата ние реагиравме да ги ослободиме од работа. Вонредната состојба ни направи проблем што ги намаливме ефективните работни часови, а дел од вработените, кои се од другите градови од државата мораат порано да си заминат дома.
-Ефективноста на нашата компанија е намалена за 30-40%. Сега се судруваме со проблемот да ги задржиме платите, вработените, а од друга страна немаме никаква помош од Владата. Таа дава помош што за мене е чудна, помош со услови. Тоа не можам лично јас да го разберам. Тоа му доаѓа ако јас на мојот вработен му речам дека нема 100% да му ја дадам платата, иако ја заслужил, затоа тшо два часа помалку работиш. А јас, односно во случајов Владата ме натерала да работам помалку, вели Антевски.
Околу опасноста за дел од вработените да бидат ставени на stand by, Антевски вели дека тие мерки не сака никогаш да ги применува и се надева дека тоа така и ќе остане.
-100% сум сигурен дека овие мерки нема да ги употребиме. Ние се грижиме за нашите вработени, до сега никој не е отпуштен. Ако треба ги прераспределуваме на други позиции, па и доколку е потребно и чистење ќе работат само за да се одржат во кондиција и да се продолжи со работа онака како што било и претходно. Искрено ние немавме превработеност, односно соодветствувавме со потребите на компанијата.
Околу ставот на директорот на А.Д „Комерцијална банка“ за тоа дека банките се столбот на финансиската стабилност и мора да се грижат за своите штедачи и акционери, Антевски вели дека сите треба да сфатиме дека банките не се социјални организации.
-Ние сите живееме во оваа земја, сите коорпоративно размислуваме и се грижиме како за своите вработени така и за луѓето околу нас. Луѓето треба да ја сфатат и тежината на одржувањето на финансискиот систем во Македонија. Комерцијална банка е најголемата во државава. Мора да се одржи системот – зарем после 6,9 месеци или година дена целиот систем треба да го срушиме? Некои од компаниите треба да бидеме свесни дека ова нема да го преживеат, но системот мора да преживее.
-Ние како бизнисмени мора да сфатиме дека не може банките да ни се виновни за она што ќе дојде утре или задутре како проблем. Тоа зависи од нас самите. Ние како компанија овие денови ги искористивме за да ги збиеме нашите редови и да најдеме нови прозводи каде може ќе треба да работиме и произведуваме. До сега беше пракса јавните претпријатија и државата да купува прозводи однадвор, при тоа не се почитуваше македонското производство со изговор дека производите се поскапи. Сега се надевам дека тоа ќе се смени и ќе се размислува малку подобро, вели Антевски.
-Денеска добив информација од Србија. Таму во наредните месеци за секој вработен државата ќе плаќа по 15.000 денари, но фирмата не смее да отпушти повеќе од 10% од вработените, што за фирмите таму е одличен потег. Ќе ги задржат своите вработени. Но кај нас проблемот е што секогаш постојат некои услови – треба да имате 30% намален приход за да ти се дозволи да ги добиеш тие пари. Затоа реков дека тие услови не треба да постојат. Зошто? Дел од компаниите ги испратија своите вработени на годишен одмор и така автоматски се спуштаат под производството од минатата година. И сега тие ќе добијат, а притоа направиле лошо за вработените, ги испратиле на предвремен, принуден одмор, а од друга страна ќе добијат пари од државата. За мене ова не е добра мерка, додаде Антевски.