Богоев: Објавен е јавен повик за пријавување – за време на викендов ќе имаме ресторани, дежурни аптеки и маркети кои ќе вршат достава на продукти
Општина Карпош следејќи ги препораките од Владата го намали бројот на луѓе кои што работат во општината. Комуналните јавни претпријатија целосно ги спроведуваат мерките и ревносно си ја вршат работата, изјави за Утрински брифинг, градоначалникот на Карпош, Стефан Богоев.
Максимално се вложуваме во борбата со Коронавирусот. Морам да кажам дека прилично сум задоволен со однесувањето на карпошани. Објавен е јавен повик за пријавување и за време на викендов ќе имаме ресторани, дежурни аптеки и маркети кои ќе вршат достава на продукти, изјави Богоев.