Бојаџиев: Кратовчани најмногу потфрлуваат во самодисциплината

Кратовчани ја почитуваат вонредната состојба. Во однос на дисциплината најмногу потфрлуваме. Во оваа ситуација на никој не му се седи дома и повикувам да се почитуваат мерките, изјави за Утрински брифинг градоначалникот на Кратово Љупчо Бојаџиев.

Моментално имаме 48 лица во самоизолација. Има некои дилеми дали тие две недели се доволни да се види клиничката слика и бараме да останат барем уште пет дена во самоизолација.

Мал хендикеп е недостатокот на медицински средства како заштитни маски. Разговарано е со конфекциите и за рекордно кратко време се изработени тие маски и поделени.

По продавниците е солидна снабденоста и не се разликува во однос на претходниот период, додаде Бојаџиев.