Галетановски: Отворање на Дино паркот кон крајот на јануари или почетокот на февруари, влезницата – 50 денари

Ситуацијата со пандемијата го одложи отворањето на Дино парк. Ќе бидеме во консултација со органите и кон крајот на јануари или февруари би требало да биде отоворен. Градот Скопје направи капитален прокет кој ќе биде голема атракција за сите во државата, изјави во Утрински брифинг Ѓорѓи Галетановски, директор на Зоолошка градина во Скопје и додаде дека картата ќе биде 50 денари и престојот неограничен.

Сите животни кои живеат во Зоолошката се адаптирани за живот овде. Греењето е одлично, во лето покомплицирани за чување би биле пингвините, но се е според стандарди организирано, вели Галетановски.

Говорејќи за угинувањето на жирафата Тобого, Галетановски изјави дека тоа ги погодило сите – од вработените до посетителите.

Немаше показатели дека има одредени проблеми. Направена беше обдукција при што не беа констатирани физички повреди. Во наредните десетина дена, очекуваме да ги добиеме резултатите од крвната анализа, по што, точно ќе се знае од што угинало животното. Сепак, се претпоставува дека причината за смртта е срцев удар, вели Галетановски.

Во однос на активностите во градот, директорот смета досега градот Скопје бил силуван и дека многу е направено во последните години.

„Потребни се уште година до две, за да се врати се во нормала. Сигурен сум дека ова раководство ќе добие уште еден мандат на следните локални избори“, истакна Галетановски.

Целиот разговор погледнете го во видеото