Димитров: Режимот на Груевски беше негација на владеењето на правото, за жал ВМРО-ДПМНЕ продолжува со целосна деструкција на европскиот курс – Мицкоски е инкарнација на Груевски
-Евромакедонија многу ме погоди, тоа беше термин од пратеникот Ројтен што го кажа токму во Утрински брифинг. Тој термин нѐ поврзува со Унијата, ние сме дел од неа. Најголема грешка кај нас е што Македонија се гледа изолирано од Европската унија и Европа и не може да се гледа како посебност надвор од општоевропскиот процес. Не можеме да се жалите дека заостануваме. Нашиот успех или неуспех е успех или неуспех на Европа, вели Димитар Димитров.
-Пржинските договори го означија судбинското поврзување на ЕУ со Македонија и го погодија груевизмот, тој режим беше негација на владеење на правото. Човечки беше да се признае грешката и да се прифатат консеквенците од грешката, да се промени ставот, да се извлече поука и да се поправи ставот. За жал ВМРО-ДПМНЕ не го направи тоа, и лидерот и целото раководство, и тоа беше кобно оти така ја спротивстави Македонија на целиот европски процес. Извлекуваше заклучоци дека ние сме изолирани оти Европа си има други приоритети. Така произлезе дистанцирање на сопствената земја и т.н. повторување на делото. Наместо корекција следуваше старата позиција на деструкција. Имаше обиди за реформи во партијата, но беа замолчени. Верувам дека и денес таа партија ја води човек осуден за криминал, а Мицкоски е Груевски под друго име и презиме, вели Димитров.
-Европската идеја има свои иманентни искушенија, на пример Брегзитот, а јас сум толку убеден во европската идеја па убеден сум дека Британија кај и да е ќе се врати. Во европските текови не може да има прекин, може да има застој.
Целиот разговор погледнете го во видеото