Драган Тилев: Ние сме подготвени, но има премногу „Ако“ за да дојдеме до одлуката за почеток на преговори
Изминативе две, две и пол децении се обидуваме да дојдеме до тој момент да ги почнеме пристапните преговори за членство во ЕУ.
Битно е да се разберат техничките аспекти и целиот тој процес за да можеме да бидеме подобро подготвено и да го истрчаме процесот колку што е можно побрзо.
Подготвени сме, но ќе мора да се прилагодиме и на новите моменти. Методолигијата како таква која што е базирана на предлогорт на Франција, но и од Талин групата, се физиономираше од страна на ЕК, влезе во процедура.
Ние веќе ја коментираме на експертско и политичко ниво, но мора да се напомене дека таа се уште е во процедура.
Идејата е да се усвои на следниот совет за општи работи – 24 март и доколку тоа се случи, првиот предуслов ќе биде исполнет, односно барањето на Макрон, да има ревизија на процесот на пристапување преку оваа методологија.
Ова е четврти пат да се менува методологијата на пристапување – од 98, па со Хрватска, Србија и Црна Гора, и доколку се чита ќе се забележи дека нема битни поместувања во однос на терминологијата, во однос на пристапот, изјави за Утрински брифинг Драган Тилев, Државен советник за европски политики и координација од Секретаријатот за европски прашања.
Техничките работи се најважни, бидејќи едно е политичкиот момент. Тој треба да обезбеди баланс во однос на Франција и нејзините барања и она што другите земји кои имаат по позитивен однос кон самиот процес. Преку овој документ, оваа комуникација, се бара баланс помеѓу двете страни. Тие треба да бидат задоволни за ние да добиеме одлука за почеток на пристапни преговори.
Во Холандија се уште не е најјасно дали ќе се даде зелено светло и за Албанија.
Прашањето е Македонија и АЛбанија во група или одделно. Тоа беше и една од причините зошто во октомври не се донесе одлука за почеток на пристапните преговори за нас. Доколку се премости тој момент во холандскиот парламент и двете држави добијат зелено светло, во тој случај работата би можела да оди позабрзано и да се донесе одлуката, но доколку во Холандија нема поддршка за Албанија, во тој случај имаме ситуација повторно да дојдеме до едно „Ако“, доколку сите други држави кои инсистираат на двојство, односно група, тогаш тие би можеле да предизвикаат проблеми.
Поентата ми е – има се уште многу „Ако“ за да дојдеме до одлуката, изјави за Утрински брифинг Драган Тилев, Државен советник за европски политики и координација од Секретаријатот за европски прашања.