Д-р Солески: Сите показатели укажуваат дека ќе се соочиме со нов бран на ковид-19, но веројатно полесен
Темата која извесно време ја поттурнавме на страна, повторно се враќа на сцената со зголемените бројки на новозаразени од ковид-19.
-И во нашата земја и на европско ниво се регистрира зголемен број на пациенти со ковид-19 што се должи на новите омикрон соеви кои се позаразни и умеат да го заобиколат веќе стекнатиот имунитет. Тешко е да се предвиди како ќе се развива ова. Сепак, ова се пациенти со полесни состојби и немаме смртни случаи, вели д-р Кирил Солески за Утрински брифинг.
![](https://slobodenpecat.tv/wp-content/uploads/2022/06/IZJAVA.04_09_29_15.Still879-1024x576.jpg)
Сѐ уште важат истите правила то значи дека пациентот останува во изолација без оглед дали станува збор на полесна симптоматологија. Пацинтите треба да се јават кај матичен лекар, а ако состојбата не е сериозна не треба ништо да се прави, вели д-р Солески.
-Во најголем дел полесните случаи се третираат на примарно ниво и затоа Лекарското друштво и Министерството за здравство направија протокол и упатство за еднакво третирање на пациентите со ковид-19, вели докторот.
Д-р Солески вели дека сите показатели укажуваат дека ќе се соочиме со нов бран на ковид-19, но веројатно полесен, а ние ќе моаме да научиме да живееме со вирусот. Докторот препорачува лицата кои спаѓаат во ризични групи сепак да внимаваат и моеби Комисијата за заразни болести ќе одлучи да се воведе уште една засилувачка доза на вакцината.
-Во секој случај, ние ги следиме светските искуства и препораки, додава тој.
Ковид-19 ги стави на тест сите здравствени системи па и оние најразвиените, па некои и сериозно потфрлија. Одредени процеси во дигиталното здравство како што е телемедицината се покажа како многу корисна во времето на пандемијата. Со телемедицината во реално време пациентите комуницираат со лекарите оти оваа гранка може да замени некои контролни прегледи. Поентата е пациентите да не доаѓаат често во ординациите за да не се шири болеста. Освен тоа пациентите не губат време и средства, а штеди и здравствениот систем. Секако физичкото присуство не може да се замени, вели д-р Солески.