Земон: Еден од најранливите народи во Европа е македонскиот народ, но не можеме да живееме од минатото

Партијата ПОЕН викендов ќе има изборен конгрес, за што имаше јавен повик за кандидатури за претседател на партијата вели Рубин Земон, претседател на партијата ПОЕН за Утрински брифинг.

-Во големите партии е квантитетот, во помалите е квалитетот. Во помалите партии повеќе дебатираме, се собираат интелектуалци. Сега се соочуваме со повеќе кризи и во програмскиот дел ќе се посветиме на тоа, а ќе се осврнеме и на промената на изборниот модел. Ние сме за промена на моделот, вели Земон.

Според него, јасно е дека сега нема да има промени на изборниот модел во една изборна заедница што им одговара на помалите партии, но не е лошо да се разговара за тоа.

-Има и други предлози за промена на моделот, Зијадин Села се залага за изборни единици според развојни региони. Треба да се разговара за ова, вели Земон.

По средбата со премиерот Димитар Ковачевски Земон вели дека разговорите биле конструктивни и дека станало збор и за изборите и за односите со Бугарија. Тој се залага Бугарите да се стават во преамбулата на Уставот и дека не геда нешто спорно во тоа. На средбата се разговарало и за францускиот предлог.

-Преовладува атмосфера на воздржаност и внимателност. Треба да се почека да се произнесе ЕУ, оти не се знае ни дали Бугарија ќе го прифати ниту пак дали сите европски земји ќе го прифатат тој предлог, вели Земон за Утрински брифинг.

Тој вели дека проблемот со Бугарија има историски контекст и е обременет со многу гнев поради минатите случувања, но дека треба да има дебата на овие теми.

-Јас знам како антрополог дека еден од најранливите народи во Европа е македонскиот народ, но не моеме да живееме од минатото туку треба да се свртиме кон иднината. Бугарите колку што гледам бараат во Уставот да влезат како конституивен народ а не како малцинство. Кај нас нема такви категории. Но, затоа ние имаме официјална политика на мултикултурализам и тоа е плус за нас, вели Земон.

Со предлогот на Макрон се решава прашањето на јазикот кој ќе остане македонски јазик како и до сега во ЕУ, анализира Земон. Тој додава дека е дискриминаторска преамбулата каде што се споменуваат народите оти многу заедници не се споменати.

-Хрватскиот модел е да се стават сите заедници. Во краен случај, Преамбулата е само една декларација, вели Земон.

Тој оценува дека односот на опозицијата во смила на барање предвремени избори преку блокади на институциите е некоректен и неконструктивен.