Колев: ГДУ не учестува на избори каде што исходот се знае предвреме

Има неколку причини поради кои ние мислиме дека не треба да учестуваме на предвремените локални избори. Со спортски речник ова е наместен натпревар, односно со крај што се знае предвреме, изјави во Утрински брифинг Петар Колев, претседател на ГДУ, за не учеството на неговата партија на локалните избори во Штип.

Наместо да бидат печатени материјали и трошење средства на рекламен материјал овие пари може да се пренаменат на справување ос ковид-19. Од друга страна имавме поместување на предвремените избори и не знам зошто се инсистира на овие локални во Штип. Кога има желба и волја во едно општество секогаш може да се најде легитимен начин да се излезе од овој вакуум, смета Колев и додава дека ова е нелогично решение мотивирано од политички интереси.

Ривалството на ВМРО-ДПМНЕ и СДСМ е нивни личен проблем. Прашањето е што добиваат штипјани од избори во декември. Јас ве убедувам дека нема да добијат ништои. Немаме капитални инвестиции, немаме средства во буџетот. И во едни вакви избори да се трошат пари за рекламирање, ставање на ризик на сите инволвирани во овој процес е безсмилено, непрагматично и нерелевантно. Мислам дека сега не е моментот и затоа ние од ГДУ решивме да не учествуваме. Се надевам дека или на пролет или во редовниот термин ќе одиме на избори, вели Колев.

Целиот разговор со првиот човек на ГДУ, Петар Колев погледнете го во видеото,