Коцевска: Секој работник има загарантирано право за годишен одмор – правото е загарантирано и со Устав и со Законот за работни односи

Заклучно со 31 декември истекува рокот за исплата на регресот за годишен одмор на работниците во приватниот сектор.

Работодавачите имаа рок од шест месеци да го исполнат ова работничко право загарантирано со Општиот колективен договор за приватниот сектор и истото се однесува на сите вработени лица во приватниот сектор во Република Северна Македонија.

Исто така загарантирано е и правото за користење годишен одмор, но за тоа кој се има право на користење на регрес и колку денови за одмор ни следуваат во годината во Утрински брифинг разговаравме со Државниот советник за правни и нормативни работи при Државниот инспекторат за труд, Ленче Коцевска.

-Секој работник има загарантирано право за годишен одмор. Правото е загарантирано и со Устав и со Законот за работни односи. Дури и ако работникот даде изјава дека се откажува од право или од надоместокот за годишен одмор, што му следува, доколку не го го користи годишниот одмор, кажано во правна смисла таа изјава е ништовна.

-Работникот кој за прв пат засновал работен однос се стекнува со право на цел годишен одмор кога ќе оставри непрекината работа од најмалку шест месеци кај ист работодавач и тоа без оглед дали работи со полно работно време или со скратено работно време.

-Траењето на годишшниот одмор изнесува најмалку 20 работни дена, а годишниот одмор во зависност од годините на работа, од други услови, може да се продолжува и да продолжи до 26 работни дена, со тоа што има една одредба кај повозрасните лица и лицата кои што имаат болно дете им следуваат уште три дена, или 29 работни дена. Тоа се деновите кои што се предвидени со Законот за работни односи и со Колективниот договор, кој што има право да ги користи секој работник.

-Користењето на годишниот одмор обично се користи во календарската година, но со договор на работодавачот, може годишниот одмор да се користи во повеќе делови.

-Но она што е предвидено со Законот за работни односи, вели дека до 31 декември, во тековната година, работникот треба да искористи одмор во најмалку две непрекинати работни недели или 12 дена во текот на календарската година, а остатокот од годишниот одмор може да го користи до 30 јуни наредната година, но работодавачот може да определи и овие денови да се користат до 20 април, 30 јуни, во зависност од потребите.

Целиот разговор погледнете го во видеото