Коцо: Како јавна личност како Камчев може да биде заштите сведок?

Јас како граѓанин и како поранешен судија на Врховниот суд од една страна сум заинтересирана за она што се случува во нашата земја, а од друга страна не можам да бидам слепа како се одвиваат работите.

Пред се би сакала да кажам дека изминатиот период, судството во кое што го вклучувам целиот правосуден систем и обвинителството, имаше ситуации во кои навистина можеше да се зборува дека нивната работа не е на ниво кое се очекува од нив. Заради таквите појави кои се случија изминатиот период, особено 2015-2016 година, па и пред тоа, доведоа до некои состојби кои што нашата држава ја доби референцата „заробена држава“.

Тоа сигурно не беше само кажано за да ние бидеме ставени во некоја ситуација на пониско ниво, туку тоа беше вистина, изјави за Утрински брифинг, Вера Коцо, поранешна судијка.

Во тој период беше и политичката криза во нашата земја и заради тоа беше донесен законот и беше формирана институцијата СЈО, од која многу се очекуваше. Сите граѓани и стручната фела очекуваа многу, но за жал работите се изместија и дојде до тоа што дојде.
Со самото тоа што веќе некои луѓе од судството се најдоа на обвинителна клупа, а некои разрешени од функцијата, значи дека државата и судството како посебна власт сепак успева да се справи со тие настанати состојби, смета Коцо.

Недозволено е врховен судија да чува предмети во фиока. Од повеќе аспекти – како носител на судската власт, прв човек во судската власт. Па и другите судии, и тие кои што биле во тие Совети во кои се решавале 30 предмети значи постојат, за да после неговото заминување да се откријат од неговиот заменик. За мене тоа е недопуштено и сметам дека Судскиот совет мора да преземе мерки за разрешување на овие состојби.

Уште во 2015 беше формиран Совет за утврдување на факти. Многу се дигна прашина околу тој Совет бидејќи немаше уставна подлога за формирање.. Сите бевме скептици како тој Совет ќе работи, но сепак тој Совет во неговата работа покажа многу голема иницијатива. Поднесе пријави до Судскиот совет за повикување на одговорност на одредени судии, но се додека беше стариот состав ништо не излезе на виделина. Се до промената на Судскиот совет кога овие работи излегоа на виделина, вели Коцо.

Разрешувањето на Вангеловски не значи дека не може да биде поведенапостапка за кривична одговорност – злоупотреба на службената положба.

Заради задоволување на лични интереси во одреден момент, судството допушти да биде зависно од политиката. Знаете, тефтерчињата работеа – се знаеше кои судии ќе бидат одбрани за одредени судови. Понатаму и АКМИС системот – но што се случи – од 2013 до 2017 предметите беа распоредени по желба на некого. 860 такви предмети.

Околу новиот Закон за ЈО и прислушуваните разговори Коцо смета дека ако се тргне од максимата од Римското право каде има едно правило – salus populis suprema lex esto – Се што е во интерес на народот треба да биде највисок закон и заради тоа прислушуваните разговори треба да бидат елементи на остварување на правдата.

Дали Орце Камчев е заштитен сведок? Сите знаат кој е тој, како настапува и јас не знам во што е неговата заштита. Што значи заштитен сведок и дали неговото јавно експонирање значи заштитен сведок. И што ќе се случи доколку тој се појави во некој друг случај како заштитен сведок?