Коцо: Правата на поранешните претседатели се преголеми и се товар за буџетот

За институцијата претседател на државата, претседателот на државата добива 95 милиони денари од Буџетот за 2022 година. Во Институтот за човекови права се подготвува Закон за скратување на правата на поранешните претседатели и нивните семејства.

-Нашата земја е со скромни можности. Во постојниот закон нема временско ограничување на времетраењето на правата на поранешните претседатели, па доаѓаме во ситуација да одвојуваме средства за двајца или повеќе претседатели. Секако дека експретседателот не треба да се остави без примања, но дали треба да прима плата до крајот на животот до колку актуелниот претседател, вели поранешната врховна судијка Вера Коцо сега од Институтот за човекови права.

Таа појаснува дека поранешниот претседател добива кабинет, тројца службеници, службено возило и возач. Канцеларискиот простор не е дефиниран и може да биде несразмерно голем. Со новиот закон тоа би требало да се регулира како и правата на семејствата на претседателите.

Во случајот со покојниот претседател Борис Трајковски, во законот е предвидено неговата сопруга доживотно да прима претседателска плата, а неговите деца имаат право на стипендии за школување во земјата или во странство како и за покривање на сите животни трошоци во текот на школувањето.

Целиот разговор погледнете го во видеото