Пеца Поповиќ: Бог ме почести да бидам во близина на талентирани луѓе во вистинско време
Петар Пеца Поповиќ, прочуен и влијателен музички новинар на поранешните југословенски простори, во Утрински брифинг зборуваше за неговата најнова збирка раскази „Чуварот на бит-пазарот“ или во оригинал, на српски јазик, „Чувар бувље пијаце“ која својата промоција во Македонја ќе ја доживее вечерва.
![](https://slobodenpecat.tv/wp-content/uploads/2022/06/IZJAVA.01_28_33_04.Still578-1024x576.jpg)
Книгата „Трагите во бескрајот“ во која се опишани 30 ликови, за кои Поповиќ вели дека без нив неговата кариера и живот би немале смисла, во второто издание е проширена со уште 20 музички легенди кои последниве две години починаа како последица од коронавирусот што е огромна загуба за овие културни прстори.
-Јас имав среќа да запознам исклучително талентирани луѓе и тоа во вистинското време. Оти џабе е да ги запознаете на старост. Многу е битно да ги препознаете талентите на време и да им помогнете и да ги поттикнете и промовирате кога се во подем, вели Поповиќ за Утрински брифинг.