Попоски: Доаѓаат поинтензивни врнежи ќе има услови за локални грмежи и силен ветер

До крајот на денов а особено попладнево и вечерва од запад ќе започнат врнежи од дожд, во текот на ноќта и утре врнежите ќе се прошират насекаде и локално ќе бидат ПОИНТЕНЗИВНИ, (над 25 л/м2) а ќе има услови и за локална нестабилност проследена со грмежи. На високите планини ќе има врнежи од снег. Ќе дува умерен до засилен, повремено на некои места СИЛЕН ветер (над 70 км/час) и тоа од јужен и од југоисточен правец.

Максималните дневни температури денес и понатаму ќе бидат над просекот, истите ќе се искачуваат во интервалот од 14 до 21 степен. Во Скопје и во околината времето ќе биде променливо облачно и натпросечно топло, ќе дува умерен до ЗАСИЛЕН ветер од јужен правец, во текот на ноќта ќе започнат врнежи од дожд. Максималната дневна температура денес ќе се искачи до околу 20 степени.

Потоа во следниот период ќе продолжи доста променливото време, нови врнежи и тоа под влијание на нов влажен воздушен бран очекуваме во петок и за време на викендот.