Пренџов: Денеска исполнуваме дел од забелешките на ЕУ за цивилниот надзор врз службите

Делегација на Собранието денеска влегува во АНБ. Денеска Комисијата за надзор на Агенцијата за национална безбедност оди во прва посета на АНБ, тоа ќе бидат членовите кои поседуваат посебен безбедносен сертификат и очекувам да биде направен оној цивилен надзор кој што и е потребен пред се на Република Македонија односно на граѓаните на Р.М. и со тоа да исполнеме еден дел од забелешките кои што ги има Европската Унија, а се однесуваат токму на цивилниот надзор од страна на пратениците врз службите.

Очекувам коректен однос со вработените таму, да видиме што се работело, како се работело, зошто се работело, без претходно ништо да прејудицираме бидејќи јас сметам дека кога се работи за безбедноста на државата, безбедноста на граѓаните не смееме да се делиме на политички партии, на политички номенклатури едноставно мораме да изработиме сите заедно во интерес на граѓаните бидејќи и јас кога сум зборувал и колегите од ВМРО – ДПМНЕ и од СДСМ и од другите политички партии секогаш безбедноста ни е на прво место па затоа очекуваме коректна соработка во текот на деншниот ден, изјави во УБ пратенилот Љупчо Пренџов од ГРОМ.