Рангеловиќ: Ме изненадува пасивноста на Русија – на ЕУ повеќе им одговара победа на Бајден

Ова што сега го бара Трамп околу судска завршница не не некој новитет. Тој е еден шоумен кој целата своја кариера ја изгради врз тие фундаменти. Извесно е дека ќе има судска разрешница, но се сомневам дека ќе биде во негова полза. Гледам дека нападите од Трамп и републиканците се за гласовите од пошта, за што сметам дека нема ништо спорно, бидејќи тоа беше прифатено од двете страни и најавено во протоколите за гласањето, изјави во Утрински брифинг, политикологот Иво Рангеловиќ.

-Поделбата во Американското општество е во невидени размери. Ваквата ситуација е лоша слика и за сите останати држави и нации во светот. Расните, етнички поделби се закрвавени. Ова е тема која не припаѓа на 21 век и сметам дека темелите на тоа што значи да си Американец ги вклучува и овие карактеристики. Така што една од поголемите причини за евентуалниот пораз на Трамп ќе бидат тие расни поделби, убиството на Џорџ Флојд, поставувањето на ѕидот врз физичките граници. Не е добра ситуацијата, но да се надеваме дека ќе оди кон подобро. Трамп може да инсистира на судски разрешници, но да видиме каква поддршка ќе добие од републиканците. Тие го добиваат Сенатот, но не сум убиден дека поддршката ќе биде до таа мера да доведе до некоја посериозна ситуација, вели Рангеловиќ.

Целиот разговор со Рангеловиќ погледнете го во видеото