Стојановски: Компаниите во Илинден ќе го прилагодат работното време за вработените пред полицискиот час
Граѓаните на општина Илинден ги почитуваат мерките по препорака на Владата и Министерството за здравство, информираше во Утрински брифинг, градоначалникот Жика Стојановски.
Тој вели, компаниите во индустриската зона имаат обврска да го прилагодат работното време.
„Компаниите и фирмите овде имаат обврска да го усогласат работното време. Тоа важи не само за институциите. Ќе биде потребно работното време да биде до 15 часот за вработените да можат да се вратат дома пред почетокот на полицискиот час во 16 часот“, порача Стојановски.
Тој вели во неговата општина обезбедени се доволно дезинфекциски средства и редовно се дезинфицираат јавните површини, површините пред аптеките и маркетите, автобските станици и други места.