Филиповски од СДСМ: Приоритет ми се градинките, зеленилото и ширење на Аеродром кон периферијата
Во Аеродром има простор за напредок и затоа се кандидирав за градоначалник бидејќи имам визија и план како да ја направиме општината поубаво место за живеење, изјави во Утрински брифинг, Александар Филиповски, кандидат за градоначалник на општина Аеродром од редовите на СДСМ.
![](https://slobodenpecat.tv/wp-content/uploads/2021/10/IZJAVA.03_20_03_16.Still113-1024x576.jpg)
Треба да бидеме свесни и да дадеме на јавноста до знаење дека ДУП-овите по кои што се градеше измнативе десет години се донесени во времето на ВМРО-ДПМНЕ. И тоа не смее да се повтори. Интензивно ќе го вложам мојот труд и знаење да успееме во нешто што се вика зелен, урбан и чист Аеродром. Тоа значи повеќе зеленило, миење на улици, поставување на современа, урбана опрема за Аеродром да го добие вистинскиот свој лик, кој што аеродромци го знаат, вели Филиповски.
![](https://slobodenpecat.tv/wp-content/uploads/2021/10/IZJAVA.03_22_09_12.Still112-1024x576.jpg)
Во изминативе четири години се направи многу во Аеродром – се направија шест нови паркови, се постави урабан опрема, се направија спортски и детски игралишта, додава Филиповски.
Имајќи предвид дека целиот свој живот го поминувам во Аеродром, знам кои се реалните проблеми, односно основни проблеми на граѓаните, мислам дека имам доволно знаење и сила да направам нешто подобро за Аеродром, вели Филиповски.
Целиот разговор погледнете го во видеото