Цако: Човек кога е со љубов, ќе постигне повеќе

Стихозбирката „Јас сум Цако“ од Александар Матовски-Цако, беше промовирана во киното „Фросина“ во Младинскиот културен центар, Скопје.

Песните на Александар Матовски-Цако се едноставни. За секоја драга личност по една. Запишани се онака како што ги доживува.

Во секоја од нив може да се забележи чиста емоција.

Моето мото е „Човек кога е со љубов, ќе постигне повеќе“. Љубовта е насекаде во стихозбирката и токму таа е лајт мотив на неговата поезија.

Неговата поезија, како и сѐ она што го прави тој, се вистинска инспирација за лицата со попреченост.

Александар и е познат на македонската јавност откако стана прв студент со Даунов синдром во Македонија. Тој исто така издаде две книги со поезија и има кафеав појас во карате, со што овој млад човек секојдневно ги соборува сите бариери и стереотипи кои се појавуваат пред него.

Сега за прв пат во Македонија, лице со Даунов синдром има своја авторска радио емисија на радио МОФ, каде се разговара за сите проблеми, предизвици и дилеми на младите лица со попреченост во земјата.