Цените на горивата ја пробиваат психолошката граница – ќе поскапи ли и такси превозот?

Ценовниот притисок се засилува. Цените на горивата полека се доближуваат до 80 денари за литар.

Според последните измени во понеделникот неделава Еуросупер 98 се точи за 78,5 денари по литар, додека литар дизел чини 68,5 денари.

Авто плинот пак како најеколошки и најисплатлив – достигна цена од 46 денари за литар.

Горивата се едни од клучните инпути од кои зависат голем број сектори во економското работење. Секако тука се и такси превозниците од каде покрај на високата цена се жалат и на нелојалната конкуренција.

Дали за очекување е поскапување на такси превозот? Каква е моменталната состојба со такси превозот во земјава имајќи ги предвид високите цени на горивата но и ковид пандемијата која реално го намали користењето на такси услугите. На овие теми во Утрински брифинг разговараме со Сашо Рајчановски – Претседател на групација на авто – такси превозници на Град Скопје.

Разговорот погледнете го во видеото